کراچی: بدھ کو ڈالر کی قیمت میں 9 روپے سے زائد کی تاریخی گراوٹ کے بعد جمعرات کو انٹربینک اور اوپن مارکیٹ میں امریکی ڈالر کی قدر میں کمی کا رجحان جاری رہا۔
فاریکس ڈیلرز کے مطابق، امریکی ڈالر دن کے آغاز پر 4.02 روپے کی کمی سے 224.78 روپے پر تجارت کرنے لگا. کیونکہ بینکوں نے اسے 226.28 روپے میں فروخت کیا۔
اوپن مارکیٹ میں ڈالر 223 سے 224 روپے کے درمیان ٹریڈ ہوا۔
بدھ کے روز انٹربینک اور اوپن مارکیٹ میں امریکی ڈالر کے مقابلے میں روپے نے زبردست واپسی کی، آئی ایم ایف کے کہنے کے ایک دن بعد کہ ملک نے ایندھن کی قیمتوں پر لیوی بڑھانے کی اپنی آخری شرط پوری کر دی ہے۔
فاریکس ڈیلرز کے مطابق انٹربینک میں آج امریکی ڈالر روپے کے مقابلے میں 9.58 روپے کی کمی سے 228.80 روپے پر ٹریڈ ہوا جبکہ بینک ڈالر 229 روپے میں فروخت کر رہے ہیں۔
اوپن مارکیٹ میں امریکی ڈالر کی قدر میں 13 روپے کی کمی کے بعد 225.50 روپے پر ٹریڈ ہوا۔
Interbank closing #ExchangeRate for todayhttps://t.co/KyRSLkDLEy pic.twitter.com/5NrcLUqkT2
— SBP (@StateBank_Pak) August 3, 2022
آئی ایم ایف نے منگل کو تصدیق کی ہے کہ پاکستان نے ای ایف ایف پروگرام کی بحالی کے لیے تمام مقررہ اہداف حاصل کر لیے ہیں۔
اسلام آباد میں آئی ایم ایف کی ریذیڈنٹ نمائندہ ایستھر پیریز روئیز نے کہا کہ پاکستان نے فنڈ کے مقرر کردہ تمام مالی اہداف حاصل کر لیے ہیں اور آخری کارروائی 31 جولائی کو پیٹرول پر لیوی میں توسیع کر کے پوری کی گئی۔
روئیز نے کہا کہ ساتویں اور آٹھویں جائزے مکمل ہو چکے ہیں اور آئی ایم ایف کے ایگزیکٹو بورڈ کا اجلاس اگست کے تیسرے ہفتے میں ہوگا۔
ایستھر پیریز نے امید ظاہر کی کہ پاکستان بورڈ کے اجلاس تک فنڈنگ کے فرق کو کم کرنے کے لیے اقدامات کرے گا۔
