اسلام آباد: وفاقی حکومت نے مئی 2022 میں اپنی مدت پوری کرنے والے رضا باقر کی جگہ جمیل احمد کو پانچ سال کے لیے اسٹیٹ بینک آف پاکستان کا گورنر مقرر کردیا۔
وزارت خزانہ کی جانب سے جاری کردہ نوٹیفکیشن کے مطابق صدر عارف علوی نے وزیراعظم شہباز شریف کی ایڈوائس پر آئین اور اسٹیٹ بینک آف بینک ایکٹ کے تحت تقرری کی منظوری دی۔
جمیل احمد اس سے قبل 2017 میں اسٹیٹ بینک کے ڈپٹی گورنر رہ چکے ہیں اور وہ اپنے ساتھ اسٹیٹ بینک اور سعودی مالیاتی اداروں میں 30 سال کا بینکنگ کا تجربہ رکھتے ہیں۔
انہوں نے مرکزی بینک میں اپنے آخری دور میں بینکوں کی ڈیجیٹلائزیشن میں اہم کردار ادا کیا تھا۔
04 مئی کو، گورنر اسٹیٹ بینک آف پاکستان ڈاکٹر رضا باقر نے اپنی مدت پوری کی، ڈپٹی گورنر ڈاکٹر مرتضیٰ سید نے مستقل تقرری تک اپنے عہدے کا چارج سنبھال لیا۔
وزیر خزانہ مفتاح اسماعیل نے ٹویٹر پر خبر شیئر کرتے ہوئے کہا کہ چونکہ گورنر اسٹیٹ بینک ڈاکٹر رضا باقر کی مدت ختم ہو رہی ہے، قانون کے مطابق نئے تقرری تک سینئر ترین ڈپٹی گورنر عہدہ سنبھالیں گے۔
“لہٰذا، ڈاکٹر مرتضیٰ سید، ایک نامور ماہر معاشیات ہیں جو آئی ایم ایف کا بھرپور تجربہ رکھتے ہیں، گورنر اسٹیٹ بینک کا عہدہ سنبھالیں گے۔ میں ان کے نئے کردار میں ان کے لیے نیک خواہشات کا اظہار کرتا ہوں۔
